म्हारे पिया मिलन री रुत आई री
चंपा रे फूलारो बणवादे म्हारो गजरो ऐ
चोटी तो गुँथवादे बेला फुल री
म्हारे पिया मिलन री रुत आई री
नौलख तारा सें जङवा दे म्हारी कांचली ऐ
टूकी तो लगवादे सूरज-चाँद री
म्हारे पिया मिलन री रुत आई री
इंद्रधणख रे रँगा में रंगवादे म्हारी चुनड़ी ऐ
गोटा में लगवादे आभा बिजळी री
म्हारे पिया मिलन री रुत आई री
कजरारे बादल रो सरवादे म्हारे काजलियो ऐ
टिक्की तो लगवादे धूजी नखत री
म्हारे पिया मिलन री रुत आई री
चन्द्र -किरण रो बनवादे म्हारो चुड़लो ऐ
सूरज री किरणा सूं नोलख हार री
म्हारे पिया मिलन री रुत आई री।
म्हारे पिया मिलन री रुत आई री।
कोलकत्ता
२२ अक्टुम्बर,२०१०
कोई टिप्पणी नहीं:
एक टिप्पणी भेजें