सालासर मे बालाजी रो मेळो लागै भारी जी
खाटूवाला श्याम धणी ने सारी दुनियाँ ध्यावै जी
मेहंदीपुर रे बालाजी रे जात झङूला लागै जी
रामापीर ने रामदेवरा सगली जातां धोकै जी
सगळां रौ शिरमौर म्हारो धौरांवाळो देस जी
श्रीनाथ में गोविन्दजी रे छप्पन भोग लगावै जी
झुँझनू में राणी सती रे चून्दङ भक्त चढ़ावै जी
रणकपुर रे जैनमंदिर री शोभा अति विशाल जी
देशनोक रे करनी माँ रा दर्शन प्यारा लागै जी
सगळां रौ शिरमौर म्हारो धौरांवाळो देस जी
हवामहल ओ जंतर- मंतर जयगढ़ किला जयपुर जी
सूफीसंत की दरगाह प्रसिद्ध अनासागर अजमेर जी
जोधपुर रो किलो भारी उम्मेद भवन मंडोर जी
उदयपुर झीलां री नगरी गढ़ लूंठो चितौड जी
सगळां रौ शिरमौर म्हारो धौरांवाळो देस जी
हल्दीघाटी वीरां री भूमि विजय स्तम्भ गर्वीलो जी
तीर्थराज पुष्कर में नामी बिरमा जी रो मंदिर जी
आबू रे पहाङां में ऊँचो दिलवाडा रो मंदिर जी
आबू रे पहाङां में ऊँचो दिलवाडा रो मंदिर जी
उदयपुर में एकलिंगजी गणपति रणथम्भोर जी
सगळां रौ शिरमौर म्हारो धौरांवाळो देस जी
कोलकत्ता
१४ जून,२०११
कोई टिप्पणी नहीं:
एक टिप्पणी भेजें